Lea-Artibai eta Mutriku

Barroetak eztanda egin du. Domeka arratsaldean asko zegoen jokoan Markina-Xemeingo zelaian. Etxeko taldeak irabaziz gero, eta Iurretakok galdu, igoera lortuta zegoen. Esan eta izan. Joko lehiatua Lorpena lorpen, 90 minutu parekatu jokatu zituzten Artibaik eta Uritarrak. Zein baino zein aritu ziren. 1 eta 0eko markagailuagaz joan ziren aldageletara. Bigarren zatian ailegatu zen bisitarien berdinketa. «Urduri» ibili ziren ordundik aurrera etxekoak. Azkenean, ailegatu zen esperotako garaipenaren gola. 2 eta 1ekoa igo zen markagailura partida amaitzeko minutu gutxi falta zirenean. Harmailak mutilekin Igoera jokoan egonda, eta denboraldiko etxeko azkenengo norgehiagoka izanda, bete egin ziren harmailak. Animoz bete ere. Partidaren amaieran, hori eskertu nahi izan zieten jokalariek zaletuei. «Pozaren pozez» zelai erdira atera eta aurretik jaso zituzten txaloak bueltatu zizkien ikusleei, «eskerrak emanaz». Kadeteak, euren aldetik, 20 eta 0eko emaitzagaz euren mailako txapeldun geratu dira.